satao na hum ko satae hue hain

satāo na ham ko satā.e hue haiñ

charāġh-e-sahar haiñ bujhā.e hue haiñ

jo ġham ko gale se lagā.e hue haiñ

vo siine meñ sho.ale chhupā.e hue haiñ

sunāo ye muzhde ġhamoñ ke ai logo

ye naġhme sune aur sunā.e hue haiñ

gañvā.e hue haiñ vo sab kuchh hī apnā

jo sho.aloñ se dāman jalā.e hue haiñ

hameñ āzmā.e hue hai zamāna

zamāne ko ham āzmā.e hue haiñ

kasak dard kī pūchhiye in diloñ se

jo muddat se ye baar uThā.e hue haiñ

ba-sad shauq aa.iiñ mirī anjuman meñ

nigāheñ ham apnī bichhā.e hue haiñ

ham ādāb se zindagī ke haiñ vāqif

ham hī apnā sab kuchh luTā.e hue haiñ

tirī yaad kī ye kasak mīThī mīThī

nishāñ the yahāñ kuchh miTā.e hue haiñ

na māyūs ho zindagī kashmakash se

tirī bazm ko ham sajā.e hue haiñ

uThā.e haiñ shādāb gul log jaise

yuuñ bār-e-alam ham uThā.e hue haiñ

uThā sāz-e-hastī tire saath huuñ maiñ

ye naġhme mire gungunā.e hue haiñ

vo rishtoñ kī azmat ko kyā jāneñ 'ashraf'

jo kāñToñ se dāman bachā.e hue haiñ

satao na hum ko satae hue hain

charagh-e-sahar hain bujhae hue hain

jo gham ko gale se lagae hue hain

wo sine mein shoale chhupae hue hain

sunao ye muzhde ghamon ke ai logo

ye naghme sune aur sunae hue hain

ganwae hue hain wo sab kuchh hi apna

jo shoalon se daman jalae hue hain

hamein aazmae hue hai zamana

zamane ko hum aazmae hue hain

kasak dard ki puchhiye in dilon se

jo muddat se ye bar uThae hue hain

ba-sad shauq aain meri anjuman mein

nigahen hum apni bichhae hue hain

hum aadab se zindagi ke hain waqif

hum hi apna sab kuchh luTae hue hain

teri yaad ki ye kasak miThi miThi

nishan the yahan kuchh miTae hue hain

na mayus ho zindagi kashmakash se

teri bazm ko hum sajae hue hain

uThae hain shadab gul log jaise

yun bar-e-alam hum uThae hue hain

uTha saz-e-hasti tere sath hun main

ye naghme mere gungunae hue hain

wo rishton ki azmat ko kya jaanen 'ashraf'

jo kanTon se daman bachae hue hain