sau bar yun garajne ko baadal garaj gaya

sau baar yuuñ garajne ko bādal garaj gayā

lekin zamīn-e-ḳhushk ko kuchh bhī na taj gayā

ghar jā ke motiyoñ kī tarah jagmagā uThī

maiñ apne saath le ke jo dariyā kī raj gayā

har tājvar kī tāj-varī zer-e-ḳhāk hai

lekin abhī kulāh-e-anā kā na kaj gayā

jab bhī tire ḳhayāl kī ḳhushbū mahak uThī

kamra suhāg-rāt ke phūloñ se saj gayā

do mehr-o-māh ek hī qālib meñ Dhal ga.e

aksar shab-e-visāl kā jab ek baj gayā

zāhid maiñ aaj tak na haram tak gayā magar

kū-e-sanam meñ roz hī karne ko haj gayā

barsoñ se fan kī kisht thī banjar paḌī huī

ai 'kaif' tere ḳhuun se kyā kyā upaj gayā

sau bar yun garajne ko baadal garaj gaya

lekin zamin-e-KHushk ko kuchh bhi na taj gaya

ghar ja ke motiyon ki tarah jagmaga uThi

main apne sath le ke jo dariya ki raj gaya

har tajwar ki taj-wari zer-e-KHak hai

lekin abhi kulah-e-ana ka na kaj gaya

jab bhi tere KHayal ki KHushbu mahak uThi

kamra suhag-raat ke phulon se saj gaya

do mehr-o-mah ek hi qalib mein Dhal gae

aksar shab-e-visal ka jab ek baj gaya

zahid main aaj tak na haram tak gaya magar

ku-e-sanam mein roz hi karne ko haj gaya

barson se fan ki kisht thi banjar paDi hui

ai 'kaif' tere KHun se kya kya upaj gaya