sau rang hai kis rang se taswir banaun

Athar Nafees

sau rang hai kis rang se taswir banaun

Athar Nafees

MORE BYAthar Nafees

    sau rañg hai kis rañg se tasvīr banā.ūñ

    mere to ka.ī ruup haiñ kis ruup meñ aa.uuñ

    kyuuñ aa ke har ik shaḳhs mire zaḳhm kurede

    kyuuñ maiñ bhī har ik shaḳhs ko haal apnā sunā.ūñ

    kyuuñ log musir haiñ ki suneñ merī kahānī

    ye haq mujhe hāsil hai sunā.ūñ ki chhupā.ūñ

    is bazm meñ apnā to shanāsā nahīñ koī

    kyā karb hai tanhā.ī maiñ kis ko batā.ūñ

    kuchh aur to hāsil na huā ḳhvāboñ se mujh ko

    bas ye hai ki yādoñ ke dar-o-bām sajā.ūñ

    be-qīmat-o-be-māya isī ḳhaak meñ yaaro

    vo ḳhaak bhī hogī jise āñkhoñ se lagā.ūñ

    kirnoñ rifāqat kabhī aa.e jo mayassar

    ham-rāh maiñ un ke tirī dahlīz pe aa.uuñ

    ḳhvāboñ ke ufuq par tirā chehra ho hamesha

    aur maiñ usī chehre se na.e ḳhvāb sajā.ūñ

    rah jaa.eñ kisī taur mere ḳhvāb salāmat

    is ek duā ke liye ab haath uThā.ūñ

    sau rang hai kis rang se taswir banaun

    mere to kai rup hain kis rup mein aaun

    kyun aa ke har ek shaKHs mere zaKHm kurede

    kyun main bhi har ek shaKHs ko haal apna sunaun

    kyun log musir hain ki sunen meri kahani

    ye haq mujhe hasil hai sunaun ki chhupaun

    is bazm mein apna to shanasa nahin koi

    kya karb hai tanhai ka main kis ko bataun

    kuchh aur to hasil na hua KHwabon se mujh ko

    bas ye hai ki yaadon ke dar-o-baam sajaun

    be-qimat-o-be-maya isi KHak mein yaro

    wo KHak bhi hogi jise aankhon se lagaun

    kirnon ki rifaqat kabhi aae jo mayassar

    ham-rah main un ke teri dahliz pe aaun

    KHwabon ke ufuq par tera chehra ho hamesha

    aur main usi chehre se nae KHwab sajaun

    rah jaen kisi taur mere KHwab salamat

    is ek dua ke liye ab hath uThaun

    RECITATIONS

    Nomaan Shauque

    Nomaan Shauque

    Nomaan Shauque

    sau rang hai kis rang se taswir banaun Nomaan Shauque

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY