sau tarah ke uThne wale waswase hain masale

sau tarah ke uThne vaale vasvase haiñ mas.ale

aap ke jo mas.ale haiñ mas.ale haiñ mas.ale

duniyā-dārī kā agar ham mas.ala suljhā bhī leñ

dil kī duniyā ke bahut uljhe hue haiñ mas.ale

jab se tum ko maiñ ne apnā kah diyā hai barmalā

haa.e mujh ko phan uThā kar Das rahe haiñ mas.ale

vasl meñ to ḳhair thoḌā jī bahal jaatā hai par

hijr ḳhud ik mas.ala hai hijr ke haiñ mas.ale

dil ke saare mas.ale to hal nahīñ hote kabhī

kuchh purāne mas.ale haiñ kuchh na.e haiñ mas.ale

ham ne tujh ko chhoḌ kar dekhā hai lekin ye huā

ab tirī yādoñ ke dil par uTh ga.e haiñ mas.ale

aaj maañ kī god meñ sar maiñ ne 'ushba' rakh diyā

aaj mujh se ḳhauf khāte jā rahe haiñ mas.ale

sau tarah ke uThne wale waswase hain masale

aap ke jo masale hain masale hain masale

duniya-dari ka agar hum masala suljha bhi len

dil ki duniya ke bahut uljhe hue hain masale

jab se tum ko main ne apna kah diya hai barmala

hae mujh ko phan uTha kar Das rahe hain masale

wasl mein to KHair thoDa ji bahal jata hai par

hijr KHud ek masala hai hijr ke hain masale

dil ke sare masale to hal nahin hote kabhi

kuchh purane masale hain kuchh nae hain masale

hum ne tujh ko chhoD kar dekha hai lekin ye hua

ab teri yaadon ke dil par uTh gae hain masale

aaj man ki god mein sar main ne 'ushba' rakh diya

aaj mujh se KHauf khate ja rahe hain masale