sawad-e-sham mein sab wahshiyon ka jalsa ho

savād-e-shām meñ sab vahshiyoñ kā jalsa ho

lahū kā raag ho aur naġhma-sāz pyāsā ho

sunā rahe haiñ mujhe log dāstāñ us kī

is e'timād se jaise kisī ne dekhā ho

kisī ke hoñT suroñ meñ kalām karte hoñ

kisī kā ranj udāsī kī taan letā ho

kisī kanār kī ḳhushbū se sher khulne lageñ

ki baat baat nahīñ ho bas ik ishārā ho

balā-e-sard koī shaal ho sitāroñ-jaḌā

ḳhizāñ kī shaam ho aur sardiyoñ kā qissa ho

gila na kar ki gila mātam-e-mohabbat hai

gale se lag ke batā mujh se jo bhī shikva ho

ab aa ga.e haiñ ki āḳhir tirī galī kā bharam

kahīñ kivāḌ kī dastak hī se na khultā ho

maiñ ye samajh ke rag-e-gul se baat kartā huuñ

koī to baaġh meñ merā hisāb likhtā ho

sawad-e-sham mein sab wahshiyon ka jalsa ho

lahu ka rag ho aur naghma-saz pyasa ho

suna rahe hain mujhe log dastan us ki

is e'timad se jaise kisi ne dekha ho

kisi ke honT suron mein kalam karte hon

kisi ka ranj udasi ki tan leta ho

kisi kanar ki KHushbu se sher khulne lagen

ki baat baat nahin ho bas ek ishaara ho

bala-e-sard koi shaal ho sitaron-jaDa

KHizan ki sham ho aur sardiyon ka qissa ho

gila na kar ki gila matam-e-mohabbat hai

gale se lag ke bata mujh se jo bhi shikwa ho

ab aa gae hain ki aaKHir teri gali ka bharam

kahin kiwaD ki dastak hi se na khulta ho

main ye samajh ke rag-e-gul se baat karta hun

koi to bagh mein mera hisab likhta ho