sawad-e-sham se Darta hua nazar aaya

savād-e-shām se Dartā huā nazar aayā

faroġh-e-mehr bhī martā huā nazar aayā

nasīm-e-sub.h chalī aur fishār-e-rañg-o-bū

kahīñ qarār na kartā huā nazar aayā

zamīñ pe raakh uḌī jab bhī ḳhema-gāhoñ kī

ufuq pe ḳhuun bikhartā huā nazar aayā

har ek phuul dikhā.ī diyā kamān-ba-dast

har ek ḳhaar nikhartā huā nazar aayā

na niiñd aa.ī na koī sitāra-e-kam-ḳhvāb

bulandiyoñ se utartā huā nazar aayā

kabhī kabhī to mirī jalva-gāh-e-hairat meñ

ḳhud aa.ina bhī sañvartā huā nazar aayā

charāġh bujhne lage aur merī āñkhoñ ko

badan meñ koī utartā huā nazar aayā

sawad-e-sham se Darta hua nazar aaya

farogh-e-mehr bhi marta hua nazar aaya

nasim-e-subh chali aur fishaar-e-rang-o-bu

kahin qarar na karta hua nazar aaya

zamin pe rakh uDi jab bhi KHema-gahon ki

ufuq pe KHun bikharta hua nazar aaya

har ek phul dikhai diya kaman-ba-dast

har ek KHar nikharta hua nazar aaya

na nind aai na koi sitara-e-kam-KHwab

bulandiyon se utarta hua nazar aaya

kabhi kabhi to meri jalwa-gah-e-hairat mein

KHud aaina bhi sanwarta hua nazar aaya

charagh bujhne lage aur meri aankhon ko

badan mein koi utarta hua nazar aaya