sawal ghar nahin buniyaad par uThaya hai

savāl ghar nahīñ buniyād par uThāyā hai

hamāre paañv kī miTTī ne sar uThāyā hai

hamesha sar pe rahī ik chaTān rishtoñ kī

ye bojh vo hai jise umr-bhar uThāyā hai

mirī ġhulail ke patthar kā kār-nāma thā

magar ye kaun hai jis ne samar uThāyā hai

yahī zamīñ meñ dabā.egā ek din ham ko

ye āsmān jise dosh par uThāyā hai

bulandiyoñ ko pata chal gayā ki phir maiñ ne

havā kā TuuTā huā ek par uThāyā hai

mahā-balī se baġhāvat bahut zarūrī hai

qadam ye ham ne samajh soch kar uThāyā hai

sawal ghar nahin buniyaad par uThaya hai

hamare panw ki miTTi ne sar uThaya hai

hamesha sar pe rahi ek chaTan rishton ki

ye bojh wo hai jise umr-bhar uThaya hai

meri ghulail ke patthar ka kar-nama tha

magar ye kaun hai jis ne samar uThaya hai

yahi zamin mein dabaega ek din hum ko

ye aasman jise dosh par uThaya hai

bulandiyon ko pata chal gaya ki phir main ne

hawa ka TuTa hua ek par uThaya hai

maha-bali se baghawat bahut zaruri hai

qadam ye hum ne samajh soch kar uThaya hai