sawal gunj ke chup hain jawab aae nahin

savāl guuñj ke chup haiñ javāb aa.e nahīñ

jo aane vaale the vo inqalāb aa.e nahīñ

ye kyā hazar ki safar kī zarūrateñ hī na hoñ

ye kyā safar ki kahīñ par sarāb aa.e nahīñ

vo ek niiñd kī jo shart thī adhūrī rahī

hamārī jāgtī āñkhoñ meñ ḳhvāb aa.e nahīñ

duā karo ki ḳhizāñ meñ hī chand phuul khileñ

ki ab ke mausam-e-gul meñ gulāb aa.e nahīñ

mujhe to aaj ke karb o balā se fursat kab

tum un kī chaap suno jo azaab aa.e nahīñ

sawal gunj ke chup hain jawab aae nahin

jo aane wale the wo inqalab aae nahin

ye kya hazar ki safar ki zaruraten hi na hon

ye kya safar ki kahin par sarab aae nahin

wo ek nind ki jo shart thi adhuri rahi

hamari jagti aankhon mein KHwab aae nahin

dua karo ki KHizan mein hi chand phul khilen

ki ab ke mausam-e-gul mein gulab aae nahin

mujhe to aaj ke karb o bala se fursat kab

tum un ki chap suno jo azab aae nahin