sawal raushni ka tha jawab likh rahe the hum

savāl raushnī kā thā javāb likh rahe the ham

paroñ pe jugnuoñ ke āftāb likh rahe the ham

jo ḳhushk lab ko tar na kar sake to raat ye huā

samundaroñ ko ḳhvāb meñ sarāb likh rahe the ham

tamām sar-bulandiyāñ thiiñ sar nigūñ khaḌī huiiñ

shikastagī-e-zāt par kitāb likh rahe the ham

to marhabā kī ik sadā haram kī samt se uThī

qasīda-e-janāb-e-bū-turāb likh rahe the ham

varaq se daf.atan hī āñsūoñ kī ik mahak uThī

ba-nām-e-'mīr' aaj intisāb likh rahe the ham

sawal raushni ka tha jawab likh rahe the hum

paron pe jugnuon ke aaftab likh rahe the hum

jo KHushk lab ko tar na kar sake to raat ye hua

samundaron ko KHwab mein sarab likh rahe the hum

tamam sar-bulandiyan thin sar nigun khaDi huin

shikastagi-e-zat par kitab likh rahe the hum

to marhaba ki ek sada haram ki samt se uThi

qasida-e-janab-e-bu-turab likh rahe the hum

waraq se dafatan hi aansuon ki ek mahak uThi

ba-nam-e-'mir' aaj intisab likh rahe the hum