sawal tujhse shab-o-roz mera chalta raha

savāl tujh se shab-o-roz merā chaltā rahā

javāb terā havāoñ meñ mujh ko miltā rahā

falak pe chāñd sitāroñ kā kārvāñ bhī bujhā

tumhārī yaad kā lekin charāġh jaltā rahā

qarīb-e-marg jo dekhā to paas koī na thā

tamām umr ye phir kaun saath chaltā rahā

balā ke habs meñ saarī zamīn suukh ga.ī

magar ye pyaar kā paudā thā phir bhī phaltā rahā

maiñ bevafā bhī kahūñ kis tarah tujhe jānāñ

tū ban ke bād-e-sabā roz mujh se miltā rahā

maiñ e'tibār mohabbat kā terī kyā kartā

bayān terā to har roz hī badaltā rahā

rafū maiñ kartā bhī 'aijāz' kaise zaḳhmoñ ko

zabāñ kā zaḳhm thā ye guftugū se siltā rahā

sawal tujh se shab-o-roz mera chalta raha

jawab tera hawaon mein mujh ko milta raha

falak pe chand sitaron ka karwan bhi bujha

tumhaari yaad ka lekin charagh jalta raha

qarib-e-marg jo dekha to pas koi na tha

tamam umr ye phir kaun sath chalta raha

bala ke habs mein sari zamin sukh gai

magar ye pyar ka pauda tha phir bhi phalta raha

main bewafa bhi kahun kis tarah tujhe jaanan

tu ban ke baad-e-saba roz mujh se milta raha

main e'tibar mohabbat ka teri kya karta

bayan tera to har roz hi badalta raha

rafu main karta bhi 'aijaz' kaise zaKHmon ko

zaban ka zaKHm tha ye guftugu se silta raha