sehn-e-chaman mein phulon ke ruKHsar nam hue

sehn-e-chaman meñ phūloñ ke ruḳhsār nam hue

kuchh hādse zarūr kahīñ sub.h-dam hue

rakh lī shikasta-pā.ī ne josh-e-junūñ kī laaj

phūTā jab aabla koī ham taaza dam hue

sūraj-mukhī kī chhāoñ meñ baiThe haiñ ab ke log

har āftāb-e-nau ko jo dekhā to ḳham hue

har daur kī ham ahl-e-junūñ dāstāñ bane

har rang meñ hamāre fasāne raqam hue

aayā hameñ na raas tirā pattharoñ kā shahr

muddat guzar ga.ī sar-e-taslīm ḳham hue

mahsūs ho rahā hai ki sadiyāñ guzar ga.iiñ

uf tere intizār ke lamhe na kam hue

TuuTe diloñ ke ā.ina-ḳhāne hī ai 'bahār'

shīsha kabhī bane to kabhī jām-e-jam hue

sehn-e-chaman mein phulon ke ruKHsar nam hue

kuchh hadse zarur kahin subh-dam hue

rakh li shikasta-pai ne josh-e-junun ki laj

phuTa jab aabla koi hum taza dam hue

suraj-mukhi ki chhaon mein baiThe hain ab ke log

har aaftab-e-nau ko jo dekha to KHam hue

har daur ki hum ahl-e-junun dastan bane

har rang mein hamare fasane raqam hue

aaya hamein na ras tera pattharon ka shahr

muddat guzar gai sar-e-taslim KHam hue

mahsus ho raha hai ki sadiyan guzar gain

uf tere intizar ke lamhe na kam hue

TuTe dilon ke aaina-KHane hi ai 'bahaar'

shisha kabhi bane to kabhi jam-e-jam hue