shairi shairon ki zinat hai

shā'irī shā'iroñ kī zīnat hai

is liye aap se mohabbat hai

yā'nī ramzān kā mahīna bhī

mominoñ ke liye fazīlat hai

kuchh nahīñ māvarā-e-hairat-e-chashm

chashm-e-bīnā kī bas suhūlat hai

zindagī dāstān-e-'ishq hai aur

'ishq se zindagī ko rāhat hai

aap ko dekh kar tasallī huī

aap kā dekhnā qayāmat hai

phuul dīvār par nazar aa.e

ye bhī to aap kī karāmat hai

maiñ ne dekhā jahān-e-fānī meñ

jaisī hasrat thī vaisī hasrat hai

ranj-o-ġham dukh malāl aur ḳhushī

jo bhī hai aap kī badaulat hai

aur koī nahīñ hai baat 'umūd'

bas unheñ dekhne kī 'ādat hai

sha'iri sha'iron ki zinat hai

is liye aap se mohabbat hai

ya'ni ramzan ka mahina bhi

mominon ke liye fazilat hai

kuchh nahin mawara-e-hairat-e-chashm

chashm-e-bina ki bas suhulat hai

zindagi dastan-e-'ishq hai aur

'ishq se zindagi ko rahat hai

aap ko dekh kar tasalli hui

aap ka dekhna qayamat hai

phul diwar par nazar aae

ye bhi to aap ki karamat hai

main ne dekha jahan-e-fani mein

jaisi hasrat thi waisi hasrat hai

ranj-o-gham dukh malal aur KHushi

jo bhi hai aap ki badaulat hai

aur koi nahin hai baat 'umud'

bas unhen dekhne ki 'adat hai