shad uftad-e-har-nafas mat puchh

'shād' uftād-e-har-nafas mat pūchh

hazrat-e-qāzī-o-asas mat pūchh

ḳhuun bhī hai rag-e-hamiyyat bhī

kyuuñ nahīñ log Tas se mas mat pūchh

phuul kāñToñ meñ tū ne dekhā hai

mujh se hālāt-e-pesh-o-pas mat pūchh

kyā mirī aarzū se vāqif hai

vo nigāh-e-daqīqa-ras mat pūchh

āshiyān-o-chaman ke dil-dāda

tū kabhī vus.at-e-qafas mat pūchh

chīstāñ hai fareb-e-āzādī

sharh-e-ijmāl ko taras, mat pūchh

qatl kā hukm hī sahī lekin

hai jo us ke gale meñ ras mat pūchh

'shad' uftad-e-har-nafas mat puchh

hazrat-e-qazi-o-asas mat puchh

KHun bhi hai rag-e-hamiyyat bhi

kyun nahin log Tas se mas mat puchh

phul kanTon mein tu ne dekha hai

mujh se haalat-e-pesh-o-pas mat puchh

kya meri aarzu se waqif hai

wo nigah-e-daqiqa-ras mat puchh

aashiyan-o-chaman ke dil-dada

tu kabhi wusat-e-qafas mat puchh

chistan hai fareb-e-azadi

sharh-e-ijmal ko taras, mat puchh

qatl ka hukm hi sahi lekin

hai jo us ke gale mein ras mat puchh