shaer mushaere ke liye man to gaya

shā.er mushā.ere ke liye maan to gayā

lekin janāb-e-'mīr' kā dīvān to gayā

jis din huā thā nine-eleven kā vāqi.a

gore samajh rahe the musalmān to gayā

E-N-T kā ek muālij hai merā dost

ab naak jaane vaalī hai ye kaan to gayā

dillī ke gest-rōm meñ us ne kahā uTho

nalke meñ jal nahīñ hai ab ashnān to gayā

begam P.I.A se karāchī chalī ga.iiñ

ab ham bhī jaane vaale haiñ sāmān to gayā

kyā pāT-dār tum ne sunā.ī hai ik ġhazal

mujh ko ye lag rahā hai mirā kaan to gayā

shaer mushaere ke liye man to gaya

lekin janab-e-'mir' ka diwan to gaya

jis din hua tha nine-elewen ka waqia

gore samajh rahe the musalman to gaya

E-N-T ka ek mualij hai mera dost

ab nak jaane wali hai ye kan to gaya

dilli ke gest-room mein us ne kaha uTho

nalke mein jal nahin hai ab ashnan to gaya

begam PIA se karachi chali gain

ab hum bhi jaane wale hain saman to gaya

kya paT-dar tum ne sunai hai ek ghazal

mujh ko ye lag raha hai mera kan to gaya