shah aa jaen ya ghulam aa jaen
shaah aa jaa.eñ yā ġhulām aa jaa.eñ
ḳhair-maqdam hai ḳhās-o-'ām aa jaa.eñ
ruuh parvāz karne vaalī hai
sust-raftār tez-gām aa jaa.eñ
merā juutā bhī pā nahīñ sakte
dām-gar jo bhī le ke daam aa jaa.eñ
ḳhud se maiñ mutma.in huuñ izrā.īl
sub.h aa jaa.eñ chāhe shaam aa jaa.eñ
gul charāġhoñ se raushnī phūTe
ḳhvāb meñ sāhab-e-salām aa jaa.eñ
is se pahle ki bol uThe tasvīr
jald-az-jald ḳhush-kalām aa jaa.eñ
ashk mahfūz kar ke rakhtā huuñ
jaane ye kab davā meñ kaam aa jaa.eñ
shah aa jaen ya ghulam aa jaen
KHair-maqdam hai KHas-o-'am aa jaen
ruh parwaz karne wali hai
sust-raftar tez-gam aa jaen
mera juta bhi pa nahin sakte
dam-gar jo bhi le ke dam aa jaen
KHud se main mutmain hun izrail
subh aa jaen chahe sham aa jaen
gul charaghon se raushni phuTe
KHwab mein sahab-e-salam aa jaen
is se pahle ki bol uThe taswir
jald-az-jald KHush-kalam aa jaen
ashk mahfuz kar ke rakhta hun
jaane ye kab dawa mein kaam aa jaen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
