shahkar-e-husn-e-fitrat sazishon mein baT gaya
shahkar-e-husn-e-fitrat sazishon mein baT gaya
Mushtaq Aazar Fareedi
MORE BYMushtaq Aazar Fareedi
shāhkār-e-husn-e-fitrat sāzishoñ meñ baT gayā
ā.īna TuuTā to chehra ā.inoñ meñ baT gayā
raat maqtal meñ ḳhudā jaane vo kis kā qatl thā
jo tabarruk ban ke saare qātiloñ meñ baT gayā
maiñ kitāb-e-zindagī kā ek lafz-e-mustaqil
vaqt ne tashrīh kī to hāshiyoñ meñ baT gayā
laakh ab duniyā manā.e us kā jashn-e-irtikāz
vo to reza reza saare dostoñ meñ baT gayā
lamha lamha joḌ kar auroñ ko sadiyāñ baḳhsh diiñ
ḳhud sadī kā qatl kar ke sā.atoñ meñ baT gayā
us ke baare meñ ye andāza bhī lag saktā nahīñ
us ne kitne ġham sahe kitne dukhoñ meñ baT gayā
chand qatre us kī āñkhoñ meñ mile 'āzar' magar
vo samundar ban ke sab pyāse gharoñ meñ baT gayā
shahkar-e-husn-e-fitrat sazishon mein baT gaya
aaina TuTa to chehra aainon mein baT gaya
raat maqtal mein KHuda jaane wo kis ka qatl tha
jo tabarruk ban ke sare qatilon mein baT gaya
main kitab-e-zindagi ka ek lafz-e-mustaqil
waqt ne tashrih ki to hashiyon mein baT gaya
lakh ab duniya manae us ka jashn-e-irtikaz
wo to reza reza sare doston mein baT gaya
lamha lamha joD kar auron ko sadiyan baKHsh din
KHud sadi ka qatl kar ke saaton mein baT gaya
us ke bare mein ye andaza bhi lag sakta nahin
us ne kitne gham sahe kitne dukhon mein baT gaya
chand qatre us ki aankhon mein mile 'azar' magar
wo samundar ban ke sab pyase gharon mein baT gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
