shairo hadd-e-qadamat se nikal kar dekho
shairo hadd-e-qadamat se nikal kar dekho
Akhtar Ansari Akbarabadi
MORE BYAkhtar Ansari Akbarabadi
shā.iro hadd-e-qadāmat se nikal kar dekho
dāstānoñ ke ab unvān badal kar dekho
kyuuñ ho taqlīd-e-kalīm aaj bhī ai dīda-varo
dīdanī ho koī jalva to sambhal kar dekho
sham-o-parvāna kā andāz nayā hai ki nahīñ
zikr thā jis kā ab us bazm meñ chal kar dekho
aur bhī ruḳh nazar ā.eñge tajallī ke abhī
ruḳh nigāhoñ ke zarā aur badal kar dekho
agle vaqtoñ ke fasāne na sunāo yaaro
na.e māhaul ke sāñche meñ bhī Dhal kar dekho
kal ke andāz bhī dilkash the ye taslīm magar
aaj bhī shahr-e-nigārāñ meñ nikal kar dekho
apne ahbāb kī jānib na uThāo nazreñ
dekhnā hai agar 'aḳhtar' to sambhal kar dekho
shairo hadd-e-qadamat se nikal kar dekho
dastanon ke ab unwan badal kar dekho
kyun ho taqlid-e-kalim aaj bhi ai dida-waro
didani ho koi jalwa to sambhal kar dekho
sham-o-parwana ka andaz naya hai ki nahin
zikr tha jis ka ab us bazm mein chal kar dekho
aur bhi ruKH nazar aaenge tajalli ke abhi
ruKH nigahon ke zara aur badal kar dekho
agle waqton ke fasane na sunao yaro
nae mahaul ke sanche mein bhi Dhal kar dekho
kal ke andaz bhi dilkash the ye taslim magar
aaj bhi shahr-e-nigaran mein nikal kar dekho
apne ahbab ki jaanib na uThao nazren
dekhna hai agar 'aKHtar' to sambhal kar dekho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
