shaKH dekho ki tum shajar dekho

shāḳh dekho ki tum shajar dekho

is gulistāñ ko ik nazar dekho

kho gayā jo navāh-e-jāñ meñ kahīñ

rāsta us kā umr-bhar dekho

tum safar-dar-safar milo us se

aur karāñ-tā-karāñ safar dekho

kaan bhar tum suno sadā-e-jaras

aañkh bhar chāñd kā safar dekho

yuuñ hī ginte raho sitāra-e-shab

raqs shabnam kā rāt-bhar dekho

ik lahar muskurā ke kahtī hai

mauj-e-dariyā ko be-ḳhabar dekho

mil hī jā.eñge dast-o-pā bhī kahīñ

pahle niklā jo hai vo sar dekho

gum hue jā rahe ho tum 'ajmal'

kabhī apne ko khol kar dekho

shaKH dekho ki tum shajar dekho

is gulistan ko ek nazar dekho

kho gaya jo nawah-e-jaan mein kahin

rasta us ka umr-bhar dekho

tum safar-dar-safar milo us se

aur karan-ta-karan safar dekho

kan bhar tum suno sada-e-jaras

aankh bhar chand ka safar dekho

yun hi ginte raho sitara-e-shab

raqs shabnam ka raat-bhar dekho

ek lahar muskura ke kahti hai

mauj-e-dariya ko be-KHabar dekho

mil hi jaenge dast-o-pa bhi kahin

pahle nikla jo hai wo sar dekho

gum hue ja rahe ho tum 'ajmal'

kabhi apne ko khol kar dekho