shaKH-e-jazbaat pe naghmat ka manzar KHamosh

shāḳh-e-jazbāt pe naġhmāt kā manzar ḳhāmosh

ġham kī āġhosh meñ armāñ kā kabūtar ḳhāmosh

niiñd rotī rahī sunsān khañDar meñ chhup kar

qasr-e-shāhī kā hasīñ maḳhmalīñ bistar ḳhāmosh

surḳh āñdhī chalī is baar halākat kī 'ajab

ġharq amvāj huiiñ aur samundar ḳhāmosh

sikka baiThā thā us insāñ kī vafā kā aisā

shirk behosh thā aur zulm kā lashkar ḳhāmosh

fileñ dard kī bikhrī thiiñ bhare chehre meñ

aur āñkhoñ meñ mirī ashk kā daftar ḳhāmosh

bahte jaate haiñ yahāñ chāroñ taraf lāf-o-gazāf

fan ke maidān meñ pākīza suḳhanvar ḳhāmosh

'qudsī' bāzīcha-e-atfāl thiiñ aaheñ merī

aur thā dahr tamāshā.ī muqaddar ḳhāmosh

shaKH-e-jazbaat pe naghmat ka manzar KHamosh

gham ki aaghosh mein arman ka kabutar KHamosh

nind roti rahi sunsan khanDar mein chhup kar

qasr-e-shahi ka hasin maKHmalin bistar KHamosh

surKH aandhi chali is bar halakat ki 'ajab

gharq amwaj huin aur samundar KHamosh

sikka baiTha tha us insan ki wafa ka aisa

shirk behosh tha aur zulm ka lashkar KHamosh

filen dard ki bikhri thin bhare chehre mein

aur aankhon mein meri ashk ka daftar KHamosh

bahte jate hain yahan chaaron taraf laf-o-gazaf

fan ke maidan mein pakiza suKHanwar KHamosh

'qudsi' bazicha-e-atfal thin aahen meri

aur tha dahr tamashai muqaddar KHamosh