shaKH-e-taza pe ye jafa na karo

shāḳh-e-tāza pe ye jafā na karo

ḳhaar se gul kabhī judā na karo

tum kisī kā agar bhalā na karo

kam se kam ye karo burā na karo

ġhairat-e-ishq kā taqāzā hai

ghuT ke mar jaao iltijā na karo

dostī kā koī savāl nahīñ

dushmanī meñ bhī badduā na karo

jab bhī niklo talāsh-e-manzil meñ

log kuchh bhī kaheñ sunā na karo

tan se sar kaaT lo ye behtar hai

dosto dil se dil judā na karo

vus.at-e-fikr-o-fan na ho jis meñ

'zākir' aisī ġhazal kahā na karo

shaKH-e-taza pe ye jafa na karo

KHar se gul kabhi juda na karo

tum kisi ka agar bhala na karo

kam se kam ye karo bura na karo

ghairat-e-ishq ka taqaza hai

ghuT ke mar jao iltija na karo

dosti ka koi sawal nahin

dushmani mein bhi baddua na karo

jab bhi niklo talash-e-manzil mein

log kuchh bhi kahen suna na karo

tan se sar kaT lo ye behtar hai

dosto dil se dil juda na karo

wusat-e-fikr-o-fan na ho jis mein

'zakir' aisi ghazal kaha na karo