shaKH par phul khil gae hain na

shāḳh par phuul khil ga.e haiñ nā

tum ko paiġhām mil ga.e haiñ nā

ek āvāz-e-haq uThī dekhā

aur aivān hil ga.e haiñ nā

vo to muñh meñ zabān rakhte the

un ke bhī hoñT sil ga.e haiñ nā

tum nagīna samajh rahe the use

kāñch se haath chhil ga.e haiñ nā

jo jahāñ hai vahāñ nahīñ miltā

log markaz se hil ga.e haiñ nā

shaKH par phul khil gae hain na

tum ko paigham mil gae hain na

ek aawaz-e-haq uThi dekha

aur aiwan hil gae hain na

wo to munh mein zaban rakhte the

un ke bhi honT sil gae hain na

tum nagina samajh rahe the use

kanch se hath chhil gae hain na

jo jahan hai wahan nahin milta

log markaz se hil gae hain na