shaKH patton ko thapak kar banh mein gahne lagi

shāḳh pattoñ ko thapak kar baañh meñ gahne lagī

dil kī āñkhoñ se shahd kī ik nadī bahne lagī

lamha lamha jo bahut bechain thā ḳhush ho gayā

dard kī dīvār apne aap hī Dhahne lagī

jo nazar tanhā khaḌī thī vaqt ke dālān meñ

phir na.e ehsās kī parchhā.iyāñ pahne lagī

pyaas thī ḳhud.dār is ne haath phailā.e nahīñ

muskurā kar ābshāroñ ke sitam sahne lagī

ḳhud-ba-ḳhud likhne lage duniyā ke qissa-go sabhī

har qalam phir se na.e andāz meñ rahne lagī

mil ga.e to mil hī leñge is safar kā kyā pata

is baḌe qālīn se āvārgī kahne lagī

shaKH patton ko thapak kar banh mein gahne lagi

dil ki aankhon se shahd ki ek nadi bahne lagi

lamha lamha jo bahut bechain tha KHush ho gaya

dard ki diwar apne aap hi Dhahne lagi

jo nazar tanha khaDi thi waqt ke dalan mein

phir nae ehsas ki parchhaiyan pahne lagi

pyas thi KHuddar is ne hath phailae nahin

muskura kar aabshaaron ke sitam sahne lagi

KHud-ba-KHud likhne lage duniya ke qissa-go sabhi

har qalam phir se nae andaz mein rahne lagi

mil gae to mil hi lenge is safar ka kya pata

is baDe qalin se aawargi kahne lagi