شام اپنی بے مزا جاتی ہے روز
اور ستم یہ ہے کہ آ جاتی ہے روز
کوئی دن آساں نہیں جاتا مرا
کوئی مشکل آزما جاتی ہے روز
مجھ سے پوچھے کوئی کیا ہے زندگی
میرے سر سے یہ بلا جاتی ہے روز
جانے کس کی سرخ روئی کے لیے
خوں میں یہ دھرتی نہا جاتی ہے روز
گیت گاتے ہیں پرندے صبح و شام
یا سماعت چہچہا جاتی ہے روز
دیکھنے والوں کو اجملؔ زندگی
رنگ کتنے ہی دکھا جاتی ہے روز
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
