sham Dhale ghar lauT rahe hain KHud se hi uktae log

shaam Dhale ghar lauT rahe haiñ ḳhud se hī uktā.e log

apnī nākāmī kī gaThrī kandhe par laTkā.e log

chintā meñ haiñ yā chintan meñ ye kah paanā mushkil hai

dīvāroñ ko taak rahe haiñ bin palkeñ jhapkā.e log

ḳhasta-hāl purāne album kī dhuñdlī tasvīroñ meñ

jaane kab se DhūñDh rahe haiñ ḳhud ko aañkh gaḌā.e log

apne ḳhaas kisī maqsad se jo raste vābasta haiñ

be-matlab hī ghuum rahe haiñ un par bhiiḌ jamā.e log

yādoñ ke gulshan meñ yuuñ to rang-birange phuul bhī haiñ

lekin phirte haiñ kāñToñ ko siine se chipkā.e log

hoñToñ par to dariyāoñ ke qisse haiñ ābād magar

zehnoñ meñ phirte haiñ keval angāre dahkā.e log

sab ke jazbe rusvā karnā kuchh logoñ kā shaġhl hai 'nāz'

poroñ par ginñe laa.iq haiñ ye bhaTke-bhaTkā.e log

sham Dhale ghar lauT rahe hain KHud se hi uktae log

apni nakaami ki gaThri kandhe par laTkae log

chinta mein hain ya chintan mein ye kah pana mushkil hai

diwaron ko tak rahe hain bin palken jhapkae log

KHasta-haal purane album ki dhundli taswiron mein

jaane kab se DhunDh rahe hain KHud ko aankh gaDae log

apne KHas kisi maqsad se jo raste wabasta hain

be-matlab hi ghum rahe hain un par bhiD jamae log

yaadon ke gulshan mein yun to rang-birange phul bhi hain

lekin phirte hain kanTon ko sine se chipkae log

honTon par to dariyaon ke qisse hain aabaad magar

zehnon mein phirte hain kewal angare dahkae log

sab ke jazbe ruswa karna kuchh logon ka shaghl hai 'naz'

poron par ginne laiq hain ye bhaTke-bhaTkae log