sham Dhale jab papa ghar mein aate the

shaam Dhale jab paapā ghar meñ aate the

Dar ke maare ham paḌhne lag jaate the

ham do bhaa.ī aise pyaar jatāte the

ik roTī meñ aadhā aadhā khāte the

yaad hameñ haiñ ham bachpan meñ ammāñ ke

chappal juute DanDe sab sah jaate the

bachpan meñ naanī daadī ke qissoñ meñ

pariyoñ kī nagrī meñ ghuum ke aate the

antar-desī ek lifāfa hotā thā

jis meñ ham dil ke armāñ likh jaate the

us bhaa.ī se aaj muqadma laḌte haiñ

jis kī ḳhātir duniyā se laḌ jaate the

sham Dhale jab papa ghar mein aate the

Dar ke mare hum paDhne lag jate the

hum do bhai aise pyar jatate the

ek roTi mein aadha aadha khate the

yaad hamein hain hum bachpan mein amman ke

chappal jute DanDe sab sah jate the

bachpan mein nani dadi ke qisson mein

pariyon ki nagri mein ghum ke aate the

antar-desi ek lifafa hota tha

jis mein hum dil ke arman likh jate the

us bhai se aaj muqadma laDte hain

jis ki KHatir duniya se laD jate the