sham Dhalte hi tere dhyan mein aa jata hun
shaam Dhalte hī tire dhyān meñ aa jaatā huuñ
yaad kartī ho to ik aan meñ aa jaatā huuñ
raat hai jashn mirī ruuh kī āzādī kā
sub.h phir jism ke zindān meñ aa jaatā huuñ
maiñ nahīñ kuchh bhī magar terī nazar paḌte hī
kūza-gar maiñ kisī imkān meñ aa jaatā huuñ
tujh se likkhe haiñ mire naqsh sū-e-ḳhāk yahāñ
āsmāñ se isī ehsān meñ aa jaatā huuñ
dekh kar mujh ko chamaktī haiñ nigāheñ terī
shukr hai maiñ tirī pahchān meñ aa jaatā huuñ
shaam bujhtā huā sūraj hai janāza din kā
maiñ bhī chand ashk liye lawn meñ aa jaatā huuñ
sham Dhalte hi tere dhyan mein aa jata hun
yaad karti ho to ek aan mein aa jata hun
raat hai jashn meri ruh ki aazadi ka
subh phir jism ke zindan mein aa jata hun
main nahin kuchh bhi magar teri nazar paDte hi
kuza-gar main kisi imkan mein aa jata hun
tujh se likkhe hain mere naqsh su-e-KHak yahan
aasman se isi ehsan mein aa jata hun
dekh kar mujh ko chamakti hain nigahen teri
shukr hai main teri pahchan mein aa jata hun
sham bujhta hua suraj hai janaza din ka
main bhi chand ashk liye lawn mein aa jata hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
