sham ke peD ki surmai shaKH par pattiyon mein chhupa koi jugnu bhi hai

shaam ke peḌ kī surma.ī shāḳh par pattiyoñ meñ chhupā koī jugnū bhī hai

sāhiloñ par paḌī sīpiyoñ meñ kahīñ jhilmilātā huā ek aañsū bhī hai

āñdhiyāñ raakh ke Dher letī ga.iiñ chamkīñ chingāriyāñ koñpaloñ kī tarah

in dinoñ zindagī phir hamāre liye sub.h-e-āriz bhī hai shām-e-gesū bhī hai

is pahāḌī ilāqe meñ ik gaañv ke moḌ par aatī jaatī basoñ ke liye

do daraḳhtoñ kī mushfiq ghanī chhāñv meñ garm chaa.e kī mānūs ḳhushbū bhī hai

in nahāte parindoñ ke hamrāh ab maiñ bhī ākāsh sar par uThā lā.ūñgā

naddiyoñ meñ nahā kar thakan dhul ga.ī kuchh daraḳhtoñ kī bāñhoñ kā jaadū bhī hai

mere dushman mirī justujū meñ abhī is kamīñ-gāh ko aag dikhlā.eñge

ab ye behtar hai maiñ ḳhud hī aage baḌhūñ jhāḌiyoñ meñ yahāñ ek aahū bhī hai

sham ke peD ki surmai shaKH par pattiyon mein chhupa koi jugnu bhi hai

sahilon par paDi sipiyon mein kahin jhilmilata hua ek aansu bhi hai

aandhiyan rakh ke Dher leti gain chamkin chingariyan konpalon ki tarah

in dinon zindagi phir hamare liye subh-e-ariz bhi hai sham-e-gesu bhi hai

is pahaDi ilaqe mein ek ganw ke moD par aati jati bason ke liye

do daraKHton ki mushfiq ghani chhanw mein garm chae ki manus KHushbu bhi hai

in nahate parindon ke hamrah ab main bhi aakash sar par uTha launga

naddiyon mein naha kar thakan dhul gai kuchh daraKHton ki banhon ka jadu bhi hai

mere dushman meri justuju mein abhi is kamin-gah ko aag dikhlaenge

ab ye behtar hai main KHud hi aage baDhun jhaDiyon mein yahan ek aahu bhi hai