sham se pahle ghar gae hote

shaam se pahle ghar ga.e hote

yā sar-e-shām mar ga.e hote

is gadāyāna zindagī se to

vaz.a-dārāna mar ga.e hote

yuuñ bhī ik umr rā.egāñ guzrī

yuuñ bhī kuchh din guzar ga.e hote

tū jo dil se utar gayā hotā

zaḳhm dil ke ubhar ga.e hote

ham na hote to hādsāt-e-jahāñ

jaane kis kis ke sar ga.e hote

koī dāman-kash-e-ḳhayāl na thā

varna ham bhī Thahar ga.e hote

sham-e-mahfil na the ki mahfil meñ

le ke ham zaḳhm-e-sar ga.e hote

sham se pahle ghar gae hote

ya sar-e-sham mar gae hote

is gadayana zindagi se to

waza-darana mar gae hote

yun bhi ek umr raegan guzri

yun bhi kuchh din guzar gae hote

tu jo dil se utar gaya hota

zaKHm dil ke ubhar gae hote

hum na hote to hadsat-e-jahan

jaane kis kis ke sar gae hote

koi daman-kash-e-KHayal na tha

warna hum bhi Thahar gae hote

sham-e-mahfil na the ki mahfil mein

le ke hum zaKHm-e-sar gae hote