شام تھی مست البیلی اور کیف زا

شام تھی مست البیلی اور کیف زا

میرے من کا پرندہ تھا پر تولتا

تیری یادوں نے کب مجھ کو جینے دیا

ایک نشتر مرے دل میں چبھتا رہا

اک نشہ سا ہواؤں میں تھا پھیلتا

مدھ بھری آنکھ میں ایک سنگیت تھا

میرے پر درد نغموں میں وہ سوز تھا

نت نیا رنگ ہر سو نکھرتا گیا

کتنے ہی چاند تارے چمکتے رہے

روشنی کو مگر میں ترستا رہا

کس قدر شوخ تصویر تھی زندگی

نت نئے رنگ کون اس میں بھرتا گیا

روشنی روشنی بٹ گئی ہر طرف

تیرے چہرے سے پردہ جو ہٹتا گیا