sham thi mast albeli aur kaif-za

shaam thī mast albelī aur kaif-zā

mere man kā parinda thā par toltā

terī yādoñ ne kab mujh ko jiine diyā

ek nishtar mire dil meñ chubhtā rahā

ik nasha sā havāoñ meñ thā phailtā

madh-bharī aañkh meñ ek sangīt thā

mere pur-dard naġhmoñ meñ vo soz thā

nit-nayā rang har-sū nikhartā gayā

kitne hī chāñd taare chamakte rahe

raushnī ko magar maiñ tarastā rahā

kis qadar shoḳh tasvīr thī zindagī

nit-na.e rang kaun is meñ bhartā gayā

raushnī raushnī baT ga.ī har taraf

tere chehre se parda jo haTtā gayā

sham thi mast albeli aur kaif-za

mere man ka parinda tha par tolta

teri yaadon ne kab mujh ko jine diya

ek nishtar mere dil mein chubhta raha

ek nasha sa hawaon mein tha phailta

madh-bhari aankh mein ek sangit tha

mere pur-dard naghmon mein wo soz tha

nit-naya rang har-su nikharta gaya

kitne hi chand tare chamakte rahe

raushni ko magar main tarasta raha

kis qadar shoKH taswir thi zindagi

nit-nae rang kaun is mein bharta gaya

raushni raushni baT gai har taraf

tere chehre se parda jo haTta gaya