shamil-e-karwan to hum bhi hain

shāmil-e-kārvāñ to ham bhī haiñ

terī jānib ravāñ to ham bhī hai

ye haqīqat nahīñ to phir kyā hai

ya.anī vahm-o-gumāñ to ham bhī haiñ

bār-e-hijrat saroñ pe hai apne

itne be-ḳhānumāñ to ham bhī haiñ

kah rahe haiñ ḳhizāñ zada chehre

ai bahāro yahāñ to ham bhī haiñ

sach na maano to jhuuT hī kah lo

ik ruḳh-e-dāstāñ to ham bhī haiñ

ham ko ḳhāk-e-rah-e-safar mat jaan

ai zamīñ āsmāñ to ham bhī haiñ

sirf ma.anī kī vus.ateñ hī nahīñ

lafz ke darmiyāñ to ham bhī haiñ

shamil-e-karwan to hum bhi hain

teri jaanib rawan to hum bhi hai

ye haqiqat nahin to phir kya hai

yani wahm-o-guman to hum bhi hain

bar-e-hijrat saron pe hai apne

itne be-KHanuman to hum bhi hain

kah rahe hain KHizan zada chehre

ai bahaaro yahan to hum bhi hain

sach na mano to jhuT hi kah lo

ek ruKH-e-dastan to hum bhi hain

hum ko KHak-e-rah-e-safar mat jaan

ai zamin aasman to hum bhi hain

sirf mani ki wusaten hi nahin

lafz ke darmiyan to hum bhi hain