shayad kabhi aisa ho kuchh film sa kar jaun

shāyad kabhī aisā ho kuchh film sā kar jā.ūñ

kuchh qatl karūñ chun kar aur ba.ad meñ mar jā.ūñ

maiñ be-sar-o-sāmāñ is bāzār-e-tamaddun meñ

nāmūs buzurgoñ kā nīlām na kar jā.ūñ

duniyā-e-sukūñ-āgīñ phir zer qadam hogī

sāñsoñ ke samundar se bas paar utar jā.ūñ

mumkin hai ki mil jaa.e vo āḳhirī siimā tak

kyā ai dil-e-pazh-murda maiñ us kī Dagar jā.ūñ

ye āḳhirī ḳhvāhish bhī shāyad ki na puurī ho

namnāk hoñ kuchh āñkheñ jab chhoḌ ke ghar jā.ūñ

ehsās dilā jā.ūñ yāroñ kī samā.at ko

jhaTkā sā lage ban kar ik aisī ḳhabar jā.ūñ

har shaḳhs ke hoñToñ par apne hī masā.il haiñ

behtar hai yahī 'arshad' chup-chāp guzar jā.ūñ

shayad kabhi aisa ho kuchh film sa kar jaun

kuchh qatl karun chun kar aur baad mein mar jaun

main be-sar-o-saman is bazar-e-tamaddun mein

namus buzurgon ka nilam na kar jaun

duniya-e-sukun-agin phir zer qadam hogi

sanson ke samundar se bas par utar jaun

mumkin hai ki mil jae wo aaKHiri sima tak

kya ai dil-e-pazh-murda main us ki Dagar jaun

ye aaKHiri KHwahish bhi shayad ki na puri ho

namnak hon kuchh aankhen jab chhoD ke ghar jaun

ehsas dila jaun yaron ki samaat ko

jhaTka sa lage ban kar ek aisi KHabar jaun

har shaKHs ke honTon par apne hi masail hain

behtar hai yahi 'arshad' chup-chap guzar jaun