shayad nae safar ki kahani likhenge log

shāyad na.e safar kī kahānī likheñge log

paanī ko ḳhuun ḳhuun ko paanī likheñge log

ai āsmān harf ko phir e.atibār de

varna haqīqatoñ ko kahānī likheñge log

kāġhaz pe ab lahū kī lakīreñ bhī aa ga.iiñ

kab tak hamāre ḳhuun ko paanī likheñge log

jab chāñd muskurā.egā phūloñ kī shāḳh par

phir to har ek raat suhānī likheñge log

is sādgī meñ rang-e-mohabbat zarūr hai

'anjum' tirī ġhazal ke ma.ānī likheñge log

shayad nae safar ki kahani likhenge log

pani ko KHun KHun ko pani likhenge log

ai aasman harf ko phir eatibar de

warna haqiqaton ko kahani likhenge log

kaghaz pe ab lahu ki lakiren bhi aa gain

kab tak hamare KHun ko pani likhenge log

jab chand muskuraega phulon ki shaKH par

phir to har ek raat suhani likhenge log

is sadgi mein rang-e-mohabbat zarur hai

'anjum' teri ghazal ke maani likhenge log