shab-bhar tasawwuraat ka mela laga raha

shab-bhar tasavvurāt kā mela lagā rahā

sab so ga.e to ghar meñ mire ratjagā rahā

kal un laboñ pe yuuñ mirā zikr-e-vafā rahā

vijdān jhūmtā rahā vo boltā rahā

barsoñ yahī mizāj-e-siyāsat banā rahā

mujrim kī tarah shahr meñ har be-ḳhatā rahā

ghar se nikal ke band galī meñ pahuñch ga.e

manzil milī na ghar kā koī rāstā rahā

maiñ chup na rah sakā lab-e-tasvīr kī tarah

maiñ aa.ina thā aa.ina sach boltā rahā

ayyārī-e-ḳhirad kā fusūñ kaam kar gayā

ahl-e-junūñ kī aql pe parda paḌā rahā

allah re be-shu.ūrī-e-dānish ki umr bhar

vo mere saath thā maiñ use DhūñDhtā rahā

koshish ke bāvajūd chhupā.e na chhup sakā

har qahqahe ke lahja meñ ġham boltā rahā

maiñ 'zabt' sang-e-mīl samajhtā rahā jise

vo shaḳhs merī raah kā patthar banā rahā

shab-bhar tasawwuraat ka mela laga raha

sab so gae to ghar mein mere ratjaga raha

kal un labon pe yun mera zikr-e-wafa raha

wijdan jhumta raha wo bolta raha

barson yahi mizaj-e-siyasat bana raha

mujrim ki tarah shahr mein har be-KHata raha

ghar se nikal ke band gali mein pahunch gae

manzil mili na ghar ka koi rasta raha

main chup na rah saka lab-e-taswir ki tarah

main aaina tha aaina sach bolta raha

ayyari-e-KHirad ka fusun kaam kar gaya

ahl-e-junun ki aql pe parda paDa raha

allah re be-shuuri-e-danish ki umr bhar

wo mere sath tha main use DhunDhta raha

koshish ke bawajud chhupae na chhup saka

har qahqahe ke lahja mein gham bolta raha

main 'zabt' sang-e-mil samajhta raha jise

wo shaKHs meri rah ka patthar bana raha