shab-e-firaq hai aur hum bhi gham ke mare hain

shab-e-firāq hai aur ham bhī ġham ke maare haiñ

tumhāre ḳhvāb hī tanhā.ī ke sahāre haiñ

har ik ḳhayāl mirā āñsuoñ meñ Dhaltā hai

ye gesū phir bhī tirī yaad meñ sañvāre haiñ

vo duur rah ke bhī sāñsoñ se bhī qarīb rahe

bahut 'ajīb hai ab tak vo ham ko pyāre haiñ

hayāt ab to yahī sochtī guzartī hai

tumhārī tarah se kyā ham bhī tum ko pyāre haiñ

maiñ un ko bhūlnā chāhūñ to kis tarah bhūlūñ

mire nasīb ke TuuTe hue sitāre haiñ

gila nahīñ hai kisī se jafā kā phir bhī 'ġhazal'

koī batā.e to kyā ab bhī vo hamāre haiñ

shab-e-firaq hai aur hum bhi gham ke mare hain

tumhaare KHwab hi tanhai ke sahaare hain

har ek KHayal mera aansuon mein Dhalta hai

ye gesu phir bhi teri yaad mein sanware hain

wo dur rah ke bhi sanson se bhi qarib rahe

bahut 'ajib hai ab tak wo hum ko pyare hain

hayat ab to yahi sochti guzarti hai

tumhaari tarah se kya hum bhi tum ko pyare hain

main un ko bhulna chahun to kis tarah bhulun

mere nasib ke TuTe hue sitare hain

gila nahin hai kisi se jafa ka phir bhi 'ghazal'

koi batae to kya ab bhi wo hamare hain