shab-e-firaq hamara wo nim-jaan hona

shab-e-firāq hamārā vo nīm-jāñ honā

ajal kā aap hī ghar meñ vo mehmāñ honā

ḳhafā na sun ke mirā haal mehrbāñ honā

ki is bayān ko ik din hai dāstāñ honā

dayār-e-husn kī sar-garmiyāñ ma.āz-allāh

har ik qadam pe mohabbat kā imtihāñ honā

koī sitam ho yahīñ se shurūa hotā hai

ġhazab hai kūcha-e-jānāñ kā āsmāñ honā

ajal se pahle sabā le uḌī sar-e-manzil

kahāñ pe aayā hai kaam apnā nā-tavāñ honā

uThā vo dard kaleje meñ vo gire aañsū

nahīñ hai khel mohabbat kā rāz-dāñ honā

nigāh-e-qahr kabhī aur kabhī karam kī nazar

inhīñ adāoñ kā mil-jul ke dāstāñ honā

vo kyā kare na miTe gar tirī mohabbat meñ

likhā ho jis ke muqaddar meñ be-nishāñ honā

abhī na shaad ho takmīl-e-ishq par 'afqar'

abhī hai tark-e-mohabbat kā imtihāñ honā

shab-e-firaq hamara wo nim-jaan hona

ajal ka aap hi ghar mein wo mehman hona

KHafa na sun ke mera haal mehrban hona

ki is bayan ko ek din hai dastan hona

dayar-e-husn ki sar-garmiyan maaz-allah

har ek qadam pe mohabbat ka imtihan hona

koi sitam ho yahin se shurua hota hai

ghazab hai kucha-e-jaanan ka aasman hona

ajal se pahle saba le uDi sar-e-manzil

kahan pe aaya hai kaam apna na-tawan hona

uTha wo dard kaleje mein wo gire aansu

nahin hai khel mohabbat ka raaz-dan hona

nigah-e-qahr kabhi aur kabhi karam ki nazar

inhin adaon ka mil-jul ke dastan hona

wo kya kare na miTe gar teri mohabbat mein

likha ho jis ke muqaddar mein be-nishan hona

abhi na shad ho takmil-e-ishq par 'afqar'

abhi hai tark-e-mohabbat ka imtihan hona