shab-e-firaq ko yun jagmaga raha hun main

shab-e-firāq ko yuuñ jagmagā rahā huuñ maiñ

bujhā ke sham' ko ab dil jalā rahā huuñ

ḳhayāl-e-yār ko dil meñ basā rahā huuñ maiñ

tasavvurāt kī duniyā sajā rahā huuñ maiñ

ġham-e-hayāt ġham-e-dil kā lutf paane ko

ajal ke haath se dāman chhuḌā rahā huuñ maiñ

'ajīb haal hai shāḳhoñ se phuul jhaḌte haiñ

bharī bahār meñ aañsū bahā rahā huuñ maiñ

ye raaz faash na ho jaa.e āñsuoñ se kahīñ

tumhāre ġham ko tumhīñ se chhupā rahā huuñ maiñ

na lab pe koī shikāyat na dil hai fariyādī

tumhārī bazm se ḳhāmosh jā rahā huuñ maiñ

uThāo saaz milāo diloñ ke tāroñ ko

na.ī hayāt ke naġhme sunā rahā huuñ maiñ

visāl-o-hijr kā 'ālam 'ajīb 'ālam hai

fasāna shab kā 'sahar' ko sunā huuñ maiñ

shab-e-firaq ko yun jagmaga raha hun main

bujha ke sham' ko ab dil jala raha hun

KHayal-e-yar ko dil mein basa raha hun main

tasawwuraat ki duniya saja raha hun main

gham-e-hayat gham-e-dil ka lutf pane ko

ajal ke hath se daman chhuDa raha hun main

'ajib haal hai shaKHon se phul jhaDte hain

bhari bahaar mein aansu baha raha hun main

ye raaz fash na ho jae aansuon se kahin

tumhaare gham ko tumhin se chhupa raha hun main

na lab pe koi shikayat na dil hai fariyaadi

tumhaari bazm se KHamosh ja raha hun main

uThao saz milao dilon ke taron ko

nai hayat ke naghme suna raha hun main

visal-o-hijr ka 'alam 'ajib 'alam hai

fasana shab ka 'sahar' ko suna hun main