shab-e-gham mein chhai ghaTa kali kali

shab-e-ġham meñ chhā.ī ghaTā kaalī kaalī

jhukī hai balā par balā kaalī kaalī

bahut aise kaale hiran ham ne dekhe

dikhāte haiñ āñkheñ vo kyā kaalī kaalī

DaTe mil ke riñd-e-siyah-mast jis dam

jhukī mai-kade par ghaTā kaalī kaalī

shab-e-māh meñ vo phire baal khole

huī chāñdnī jā-ba-jā kaalī kaalī

ye sajde ko ḳhud jhuk paḌegī chaman par

ki qible se uTThī ghaTā kaalī kaalī

khulī sab par āḳhir tirī garm-dastī

huī kholte hī hinā kā kaalī kaalī

luñDhā de mai-e-surḳh tū ab to saaqī

ghaTā uTThī hai dekh kyā kaalī kaalī

mire ka.aba-e-dil ke miTne kā ġham hai

jo oḌhe hai ka.aba sabā kaalī kaalī

hue haiñ siyah-baḳht barbād lākhoñ

uThīñ āñdhiyāñ bārhā kaalī kaalī

buḳhārāt dil-e-āh par chhā ga.e haiñ

ghaTā hai ba-rū-e-havā kaalī kaalī

maiñ dekhūñgā muñh un kā de kar ye fiqra

tirī shakl hai mah-laqā kaalī kaalī

siyah nama-e-'qadr' mahshar meñ niklā

uThī dhuup meñ ik ghaTā kaalī kaalī

shab-e-gham mein chhai ghaTa kali kali

jhuki hai bala par bala kali kali

bahut aise kale hiran hum ne dekhe

dikhate hain aankhen wo kya kali kali

DaTe mil ke rind-e-siyah-mast jis dam

jhuki mai-kade par ghaTa kali kali

shab-e-mah mein wo phire baal khole

hui chandni ja-ba-ja kali kali

ye sajde ko KHud jhuk paDegi chaman par

ki qible se uTThi ghaTa kali kali

khuli sab par aaKHir teri garm-dasti

hui kholte hi hina ka kali kali

lunDha de mai-e-surKH tu ab to saqi

ghaTa uTThi hai dekh kya kali kali

mere kaba-e-dil ke miTne ka gham hai

jo oDhe hai kaba saba kali kali

hue hain siyah-baKHt barbaad lakhon

uThin aandhiyan barha kali kali

buKHaraat dil-e-ah par chha gae hain

ghaTa hai ba-ru-e-hawa kali kali

main dekhunga munh un ka de kar ye fiqra

teri shakl hai mah-laqa kali kali

siyah nama-e-'qadr' mahshar mein nikla

uThi dhup mein ek ghaTa kali kali