shab-e-tarik mein raushan sa ek chehra pakaD lega
shab-e-tārīk meñ raushan sā ik chehra pakaḌ legā
mire qadmoñ ko tere jism kā saaya pakaḌ legā
yahī girya agar jaarī rahā to dekhnā ik din
mire ḳhāshāk-e-jism-o-jāñ ko ye sho'la pakaḌ legā
agar baaqī rahā ye mashġhala banñe sañvarne kā
tumhāre husn ko ik roz ā.īna pakaḌ legā
hameñ bāñdhe hue rakhtī hai pahle vasl kī shiddat
agar maazī se chhūTeñge to ā.inda pakaḌ legā
shab-e-tarik mein raushan sa ek chehra pakaD lega
mere qadmon ko tere jism ka saya pakaD lega
yahi girya agar jari raha to dekhna ek din
mere KHashak-e-jism-o-jaan ko ye sho'la pakaD lega
agar baqi raha ye mashghala banne sanwarne ka
tumhaare husn ko ek roz aaina pakaD lega
hamein bandhe hue rakhti hai pahle wasl ki shiddat
agar mazi se chhuTenge to aainda pakaD lega
- Book : Wahima Vajood Ka (Pg. 98)
- Author : Salim Saleem
- Publication : Rekhta Publications (2022)
- Edition : 2nd
- Book : Sabhi Rang Tumhare Nikle (Pg. 104)
- Author : Salim Saleem
- Publication : Rekhta Publications (2017)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
