shab-e-visal jo pahna tere badan ka libas

shab-e-visāl jo pahnā tire badan kā libās

tamām umr na bhāyā kisī bhī tan kā libās

ajiib sañg tarāshā hai dast-e-qudrat ne

tire badan pe qayāmat hai bāñkpan kā libās

hameñ hai shauq tirā maḳhmalīñ badan pahneñ

ḳhafā hai ham se yuuñ nargis kā nastaran kā libās

maiñ sher kahte hue bhī usī ko sochtā huuñ

basā hai us kī hī ḳhushbū meñ fikr-o-fan kā libās

maiñ us ke jism ke har zāviye ko bhāñp gayā

pahan ke aayā thā zālim ajab chalan kā libās

vo surḳh-posh zarā der ko chaman meñ gayā

to ek lamhe meñ phīkā paḌā chaman kā libās

tirī hī zaat to mehvar hai shā.irī kā mirī

tire ḳhayāl ko detā huuñ maiñ suḳhan kā libās

shab-e-visal jo pahna tere badan ka libas

tamam umr na bhaya kisi bhi tan ka libas

ajib sang tarasha hai dast-e-qudrat ne

tere badan pe qayamat hai bankpan ka libas

hamein hai shauq tera maKHmalin badan pahnen

KHafa hai hum se yun nargis ka nastaran ka libas

main sher kahte hue bhi usi ko sochta hun

basa hai us ki hi KHushbu mein fikr-o-fan ka libas

main us ke jism ke har zawiye ko bhanp gaya

pahan ke aaya tha zalim ajab chalan ka libas

wo surKH-posh zara der ko chaman mein gaya

to ek lamhe mein phika paDa chaman ka libas

teri hi zat to mehwar hai shairi ka meri

tere KHayal ko deta hun main suKHan ka libas