shab guzar kar bhi andhera kam nahin
shab guzar kar bhī añdherā kam nahīñ
us kī zulfeñ to kahīñ barham nahīñ
ġhair ban kar jab ga.e is bazm meñ
ham ne dekhā ham se vo barham nahīñ
haiñ nazar meñ uljhaneñ bhī ziist kī
varna in zulfoñ meñ itne ḳham nahīñ
pāsbān-e-gulsitāñ bante haiñ aur
imtiyāz-e-sho.ala-o-shabnam nahīñ
aaj bhī pyāse rahe to dekhnā
bazm meñ saaqī nahīñ bāham nahīñ
ham se 'ḳhāvar' laakh vo barham sahī
bad-gumāñ ham bhī magar kuchh kam nahīñ
shab guzar kar bhi andhera kam nahin
us ki zulfen to kahin barham nahin
ghair ban kar jab gae is bazm mein
hum ne dekha hum se wo barham nahin
hain nazar mein uljhanen bhi zist ki
warna in zulfon mein itne KHam nahin
pasban-e-gulsitan bante hain aur
imtiyaz-e-shoala-o-shabnam nahin
aaj bhi pyase rahe to dekhna
bazm mein saqi nahin baham nahin
hum se 'KHawar' lakh wo barham sahi
bad-guman hum bhi magar kuchh kam nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
