shab ka surma bhi nahin subh ka ghaza bhi nahin

shab kā surma bhī nahīñ sub.h kā ġhāza bhī nahīñ

koī tamsīl tire husn ko zebā bhī nahīñ

dekh leñge jo huā jis se sar-e-koh-e-visāl

tū ḳhudā bhī nahīñ hai aur maiñ muusā bhī nahīñ

koī ġham phir tujhe lāhaq hai magar ai mire dil

terā ronā kabhī ik baat kā to thā bhī nahīñ

tazkiyā ho gul-e-ehsās huvaidā ho jaa.e

aisā paikar to abhī chaak pe aaya bhī nahīñ

ye maiñ tanhā vo tirī maañg ki gauhar hī guhar

dekhā jaa.e to taġhāful tirā bejā bhī nahīñ

ek partav ne kiyā shāḳhcha-e-dil pe 'ayāñ

baar aisā ki gul-e-shauq huvaidā bhī nahīñ

shab ka surma bhi nahin subh ka ghaza bhi nahin

koi tamsil tere husn ko zeba bhi nahin

dekh lenge jo hua jis se sar-e-koh-e-visal

tu KHuda bhi nahin hai aur main musa bhi nahin

koi gham phir tujhe lahaq hai magar ai mere dil

tera rona kabhi ek baat ka to tha bhi nahin

tazkiya ho gul-e-ehsas huwaida ho jae

aisa paikar to abhi chaak pe aaya bhi nahin

ye main tanha wo teri mang ki gauhar hi guhar

dekha jae to taghaful tera beja bhi nahin

ek partaw ne kiya shaKHcha-e-dil pe 'ayan

bar aisa ki gul-e-shauq huwaida bhi nahin