shab ko tum humse KHafa ho kar sahar ko uTh gae

shab ko tum ham se ḳhafā ho kar sahar ko uTh ga.e

sham.a saañ ro ro ke ham bhī dil jigar ko uTh ga.e

the abhī to paas hī apne qarār-o-hosh-o-sabr

tere aate hī na-jāne vo kidhar ko uTh ga.e

tū na niklā ghar se bāhar sub.h se le shaam tak

dekh dekh āḳhir tire dīvār-o-dar ko uTh ga.e

kis se pūchhūñ haal maiñ bāshiñdagān-e-dil kā haa.e

is nagar ke rahne vaale kis nagar ko uTh ga.e

ai ḳhushā ve jo ki vārasta ta.alluq se hue

jis jagah chāhā rahe chāhā jidhar ko uTh ga.e

dair-o-ka.aba hī ko jaanā kuchh nahīñ lāzim ġharaz

jis taraf paa.ī ḳhabar us kī udhar ko uTh ga.e

shahr meñ rone ke hāthoñ jab na rahne paa.e ham

koh-o-sahrā kī taraf le chashm-e-tar ko uTh ga.e

pūchhtā hai haal kyā āvārgān-e-hind kā

kuchh idhar ko uTh ga.e aur kuchh udhar ko uTh ga.e

tū akelā us jagah baiThā karegā kyā 'hasan'

tere sāthī to kabhī ke apne ghar ko uTh ga.e

shab ko tum hum se KHafa ho kar sahar ko uTh gae

shama san ro ro ke hum bhi dil jigar ko uTh gae

the abhi to pas hi apne qarar-o-hosh-o-sabr

tere aate hi na-jaane wo kidhar ko uTh gae

tu na nikla ghar se bahar subh se le sham tak

dekh dekh aaKHir tere diwar-o-dar ko uTh gae

kis se puchhun haal main bashindagan-e-dil ka hae

is nagar ke rahne wale kis nagar ko uTh gae

ai KHusha we jo ki warasta talluq se hue

jis jagah chaha rahe chaha jidhar ko uTh gae

dair-o-kaba hi ko jaana kuchh nahin lazim gharaz

jis taraf pai KHabar us ki udhar ko uTh gae

shahr mein rone ke hathon jab na rahne pae hum

koh-o-sahra ki taraf le chashm-e-tar ko uTh gae

puchhta hai haal kya aawargan-e-hind ka

kuchh idhar ko uTh gae aur kuchh udhar ko uTh gae

tu akela us jagah baiTha karega kya 'hasan'

tere sathi to kabhi ke apne ghar ko uTh gae