shab-rang parinde rag-o-reshe mein utar jaen
shab-rañg parinde rag-o-reshe meñ utar jaa.eñ
kohsār agar merī jagah hoñ to bikhar jaa.eñ
har samt siyah gard kī chādar sī tanī hai
sūraj ke musāfir bhī idhar aa.eñ to mar jaa.eñ
sab khel havāoñ ke ishāroñ pe hai varna
maujeñ kahāñ muḳhtār ki jī chāhe jidhar jaa.eñ
is dasht meñ paanī ke sivā DhūñDhnā kyā hai
āñkhoñ meñ mirī ret ke sau zā.iqe bhar jaa.eñ
saa.e kī tarah saath hī chaltā hai siyah-baḳht
ab haath kī bechārī lakīreñ bhī kidhar jaa.eñ
shab-rang parinde rag-o-reshe mein utar jaen
kohsar agar meri jagah hon to bikhar jaen
har samt siyah gard ki chadar si tani hai
suraj ke musafir bhi idhar aaen to mar jaen
sab khel hawaon ke ishaaron pe hai warna
maujen kahan muKHtar ki ji chahe jidhar jaen
is dasht mein pani ke siwa DhunDhna kya hai
aankhon mein meri ret ke sau zaiqe bhar jaen
sae ki tarah sath hi chalta hai siyah-baKHt
ab hath ki bechaari lakiren bhi kidhar jaen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
