shabnam ko ret phul ko kanTa bana diya

Ahmad Mushtaq

shabnam ko ret phul ko kanTa bana diya

Ahmad Mushtaq

MORE BYAhmad Mushtaq

    shabnam ko ret phuul ko kāñTā banā diyā

    ham ne to apne baaġh ko sahrā banā diyā

    is uuñch niich par to Thaharte nahīñ the paañv

    kis dast-e-shauq ne ise duniyā banā diyā

    kin muTThiyoñ ne biij bikhere zamīn par

    kin bārishoñ ne is ko tamāshā banā diyā

    sairāb kar diyā tirī mauj-e-ḳhirām ne

    rakkhā jahāñ qadam vahāñ dariyā banā diyā

    ik raat chāñdnī mire bistar pe aa.ī thī

    maiñ ne tarāsh kar tirā chehra banā diyā

    pūchhe agar koī to use kyā batāoñ maiñ

    dil kyā thaa, tere ġham ne ise kyā banā diyā

    shabnam ko ret phul ko kanTa bana diya

    hum ne to apne bagh ko sahra bana diya

    is unch nich par to Thaharte nahin the panw

    kis dast-e-shauq ne ise duniya bana diya

    kin muTThiyon ne bij bikhere zamin par

    kin barishon ne is ko tamasha bana diya

    sairab kar diya teri mauj-e-KHiram ne

    rakkha jahan qadam wahan dariya bana diya

    ek raat chandni mere bistar pe aai thi

    main ne tarash kar tera chehra bana diya

    puchhe agar koi to use kya bataon main

    dil kya tha, tere gham ne ise kya bana diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY