shafiq mausamon ko humne ru-siyah kiya

shafīq mausamoñ ko ham ne rū-siyāh kiyā

zamīñ ko gardishoñ kā markaz-e-nigāh kiyā

pakaḌ ke ḳhud ko gale se savāl kartā huuñ

harā-bharā ye jahāñ kis liye tabāh kiyā

jabīñ ko chuum ke maiñ ne ulūhī lamhoñ meñ

tumhāre dil ko mohabbat kī bārgāh kiyā

azaab aa gayā sar par to ab gila kaisā

tumheñ havā ne ka.ī baar intibāh kiyā

banā.eñ haath ko kaasa to hairateñ kaisī

hamī ne duzd faqīroñ ko bādshāh kiyā

murād māñgtī haiñ roz chuum kar chehra

javān beToñ ko maaoñ ne ḳhānqāh kiyā

shafiq mausamon ko hum ne ru-siyah kiya

zamin ko gardishon ka markaz-e-nigah kiya

pakaD ke KHud ko gale se sawal karta hun

hara-bhara ye jahan kis liye tabah kiya

jabin ko chum ke main ne uluhi lamhon mein

tumhaare dil ko mohabbat ki bargah kiya

azab aa gaya sar par to ab gila kaisa

tumhein hawa ne kai bar intibah kiya

banaen hath ko kasa to hairaten kaisi

hami ne duzd faqiron ko baadshah kiya

murad mangti hain roz chum kar chehra

jawan beTon ko maon ne KHanqah kiya