shagufta hote hi murjha gai kali afsos

shagufta hote hī murjhā ga.ī kalī afsos

bahār-e-bāġh idhar aa.ī udhar ga.ī afsos

ki tum aḳhīr bhī kahne na hāl-e-dil paa.e

zabān band huī baat karte hī afsos

isī bahāne se muñh dekhte hasīnoñ kā

safā-e-dil na huī apnī aarsī afsos

huzūr-e-qais pahan kar junūñ meñ kyā jaa.eñ

qabā-e-tan hai sarāpā nuchī khuchī afsos

vabāl-e-dosh rahā sar bhī nā-tavānī se

milā na koī hameñ teġh kā dhanī afsos

nazar se gir ke ye dil-e-ġham huā kahīñ na milā

junūñ meñ ḳhaak bhī chhānī galī galī afsos

vo kushtanī haiñ jo maahī kā bhes bhī badlā

halāl ho ga.e machhlī se bhī chhurī afsos

mazār-e-qais pe aa.ī na ek laila kyā

kisī ne baat na pūchhī ġharīb kī afsos

barahnagī kā to marne pe ġham nahīñ lekin

kafan khasūT se sharmindagī huī afsos

ḳhizāñ ke haath se rone kī jā hai ḳhanda-e-gul

bisūrtī hai ye hañstī nahīñ kalī afsos

kise sunā.eñ ye ham reḳhta zabāñ ai 'shād'

janāb-e-'mīr' na 'mirzā' na 'mus.hafī' afsos

shagufta hote hi murjha gai kali afsos

bahaar-e-bagh idhar aai udhar gai afsos

ki tum aKHir bhi kahne na haal-e-dil pae

zaban band hui baat karte hi afsos

isi bahane se munh dekhte hasinon ka

safa-e-dil na hui apni aarsi afsos

huzur-e-qais pahan kar junun mein kya jaen

qaba-e-tan hai sarapa nuchi khuchi afsos

wabaal-e-dosh raha sar bhi na-tawani se

mila na koi hamein tegh ka dhani afsos

nazar se gir ke ye dil-e-gham hua kahin na mila

junun mein KHak bhi chhani gali gali afsos

wo kushtani hain jo mahi ka bhes bhi badla

halal ho gae machhli se bhi chhuri afsos

mazar-e-qais pe aai na ek laila kya

kisi ne baat na puchhi gharib ki afsos

barahnagi ka to marne pe gham nahin lekin

kafan khasuT se sharmindagi hui afsos

KHizan ke hath se rone ki ja hai KHanda-e-gul

bisurti hai ye hansti nahin kali afsos

kise sunaen ye hum reKHta zaban ai 'shad'

janab-e-'mir' na 'mirza' na 'mushafi' afsos