shahr mein rang hai na KHushbu hai

shahr meñ rang hai na ḳhushbū hai

phir bhī charchā usī kā har-sū hai

bah rahā hai muhīb sannāTā

pā-ba-gil sabza-e-lab-e-jū hai

ghup añdhere kā jal rahā hai charāġh

raushnī kā ajiib jaadū hai

be-dilī hai nasīb-e-dām-e-ḳhayāl

aarzū ik ramīda aahū hai

sīna-e-sañg par ThiThurtā huā

shāḳh-e-gul kā gudāz pahlū hai

shiddat-e-karb se niDhāl nahīñ

aañkh meñ jam gayā jo aañsū hai

ek zarra nahīñ jo mil jaa.e

aur bapā mahshar-e-tagāpū hai

dard ne baḌh ke āshkār kiyā

maut par zindagī kā qaabū hai

mujh ko dekheñ 'nazar' jo kahte haiñ

ādmī, aadmī kā daarū hai

shahr mein rang hai na KHushbu hai

phir bhi charcha usi ka har-su hai

bah raha hai muhib sannaTa

pa-ba-gil sabza-e-lab-e-ju hai

ghup andhere ka jal raha hai charagh

raushni ka ajib jadu hai

be-dili hai nasib-e-dam-e-KHayal

aarzu ek ramida aahu hai

sina-e-sang par ThiThurta hua

shaKH-e-gul ka gudaz pahlu hai

shiddat-e-karb se niDhaal nahin

aankh mein jam gaya jo aansu hai

ek zarra nahin jo mil jae

aur bapa mahshar-e-tagapu hai

dard ne baDh ke aashkar kiya

maut par zindagi ka qabu hai

mujh ko dekhen 'nazar' jo kahte hain

aadmi, aadmi ka daru hai