shahr-dar-shahr dida-war bhaTke

shahr-dar-shahr dīda-var bhaTke

zo.am-e-bātil meñ tājvar bhaTke

ḳhud-sarī meñ jo mo'atabar bhaTke

ham-safar un ke be-ḳhabar bhaTke

fan kī pagDanDiyoñ pe chalte hue

kabhī bhaTke to be-hunar bhaTke

ham jo bhaTke to nā-shanāsā the

rāhbar kyuuñ idhar udhar bhaTke

ek aalam ko jis ne bhaTkāyā

kabhī yuuñ ho ki vo nazar bhaTke

apnī manzil kā ilm hote hue

phir bhī ham jān-būjh kar bhaTke

zindagī ke libās-e-ḳhasta meñ

dhuup meñ ham barahna-sar bhaTke

kis meñ himmat thī ham ko bhaTkātā

apnī ḳhvāhish pe umr-bhar bhaTke

haa.e us gul-badan kī hasrat meñ

yuuñ bhaTaknā na thā magar bhaTke

us ko bhī pā sake nahīñ 'farhat'

jis kī ḳhvāhish meñ dar-ba-dar bhaTke

shahr-dar-shahr dida-war bhaTke

zoam-e-baatil mein tajwar bhaTke

KHud-sari mein jo mo'atabar bhaTke

ham-safar un ke be-KHabar bhaTke

fan ki pagDanDiyon pe chalte hue

kabhi bhaTke to be-hunar bhaTke

hum jo bhaTke to na-shanasa the

rahbar kyun idhar udhar bhaTke

ek aalam ko jis ne bhaTkaya

kabhi yun ho ki wo nazar bhaTke

apni manzil ka ilm hote hue

phir bhi hum jaan-bujh kar bhaTke

zindagi ke libas-e-KHasta mein

dhup mein hum barahna-sar bhaTke

kis mein himmat thi hum ko bhaTkata

apni KHwahish pe umr-bhar bhaTke

hae us gul-badan ki hasrat mein

yun bhaTakna na tha magar bhaTke

us ko bhi pa sake nahin 'farhat'

jis ki KHwahish mein dar-ba-dar bhaTke