shahr-e-junun mein kal talak jo bhi tha sab badal gaya

shahr-e-junūñ meñ kal talak jo bhī thā sab badal gayā

marne kī ḳhū nahīñ rahī jiine kā Dhab badal gayā

pal meñ havā miTā ga.ī saare nuqūsh nuur ke

dekhā zarā sī der meñ manzar-e-shab badal gayā

merī purānī arz par ġhaur kiyā na jā.egā

yuuñ hai ki us kī bazm meñ tarz-e-talab badal gayā

sā.at-e-ḳhūb vasl kī aanī thī aa nahīñ sakī

vo bhī to vo nahīñ rahā maiñ bhī to ab badal gayā

duurī kī dāstān meñ ye bhī kahīñ pe darj ho

tishna-labī to hai vahī chashma-e-lab badal gayā

mere sivā har ek se duniyā ye pūchhtī rahī

mujh sā jo ek shaḳhs thā patthar meñ kab badal gayā

shahr-e-junun mein kal talak jo bhi tha sab badal gaya

marne ki KHu nahin rahi jine ka Dhab badal gaya

pal mein hawa miTa gai sare nuqush nur ke

dekha zara si der mein manzar-e-shab badal gaya

meri purani arz par ghaur kiya na jaega

yun hai ki us ki bazm mein tarz-e-talab badal gaya

saat-e-KHub wasl ki aani thi aa nahin saki

wo bhi to wo nahin raha main bhi to ab badal gaya

duri ki dastan mein ye bhi kahin pe darj ho

tishna-labi to hai wahi chashma-e-lab badal gaya

mere siwa har ek se duniya ye puchhti rahi

mujh sa jo ek shaKHs tha patthar mein kab badal gaya